Læknismönnun á hjúkrunarheimilum

Félag Íslenskra Öldrunarlækna hefur á undanförnum árum fjallað endurtekið um læknisþjónustu við íbúa hjúkrunarheimila.   Jafnframt hafa félagar fylgst með þróun þessarar þjónustu í nágrannalöndum. Á félagsfundi í febrúar 2014 voru þessi mál síðast reifuð og í framhaldinu hefur stjórn félagsins lagt til eftirfarandi viðmið um læknismönnun.

• Fyrir hvern heimilismann á hjúkrunarheimili 1% stöðugildi læknis
• Fyrir hvern einstakling sem dvelur í skammtímadvöl 3% stöðugildi læknis
• Fyrir hvern einstakling sem dvelur í endurhæfingardvöl 5% stöðugildi læknis.
  

Einnig liggja fyrir erlend viðmið varðandi þjónustu fyrir einstaklinga á sérdeildum fyrir heilabilaða með atferlistruflanir og fyrir einstaklinga í líknarþjónustu.  Nánar má lesa um þessi viðmið og læknisþjónustu á hjúkrunarheimilum í grein Helgu Hansdóttur og Jóns Eyjólfs Jónssonar öldrunarlækna http://www.laeknabladid.is/2009/03/nr/3443 og í fyrirlestri Meredith Cricco um efnið.